ਕੰਮ ਦੀ ਗੱਲ

ਜਮੀਨਾਂ ਦਾ ਰਿਕਾਰਡ ਆਨ ਲਾਈਨ ਦੇਖੋ

ਤੁਸੀਂ ਆਪਣੀ ਖੇਤੀ ਬਾੜੀ ਦੀ ਜਮੀਨ ਦਾ ਰਿਕਾਰਡ ਆਪਣੇ ਘਰ ਬੈਠੇ ਵੈਬ ਸਾਈਟ ਰਾਹੀਂ ਦੇਖ ਅਤੇ ਪ੍ਰਿੰਟ ਕੱਢ ਸਕਦੇ ਹੋ; ਉਹ ਵੀ ਕਿਸੇ ਬਿਨਾਂ ਕਿਸੇ ਝਮੇਲੇ ਦੇ. ਤੁਸੀਂ ਇਸ ਤਰ੍ਹਾਂ ਕਰੋ:

ਤੁਸੀਂ ਇਹ www.plrs.org.in  ਸਾਈਟ ਖੋਲ੍ਹੋ ਚੰਗਾ ਹੋਵੇ ਜੇ ਮੋਜੀਲਾ (Mozilla Firefox)ਵਿੱਚ ਖੋਲ੍ਹੋਂ.

ਜਿੱਥੇ FARD ਲਿਖਿਆ ਹੈ,

ਉੱਥੇ ਕਲਿੱਕ ਕਰੋ.

ਆਪਣਾ ਜਿਲ੍ਹਾ ਚੁਣੋਂ.

ਤਹਿਸੀਲ ਚੁਣੋਂ.

ਪਿੰਡ ਚੁਣੋਂ.

‘ਦਰਜ ਕਰੋ’ ਉੱਪਰ ਜਾ ਕੇ ਕਲਿੱਕ ਕਰੋ.

ਅੱਗੇ ਨਕਲ ਰਜਿਸਟਰ ਦੀਆਂ ਕਿਸਮਾਂ ਮੁਤਾਬਕ ਕਲਿੱਕ ਕਰੋ.

ਉਦਾਹਰਣ ਦੇ ਤੌਰ ਤੇ;

ਜਮਾਂਬੰਦੀ ਤੇ ਕਲਿਕ ਕਰੋ.

ਹੁਣ ਪੀਲੀ ਪੱਟੀ ਵਿੱਚ ਲਿਖੇ ਮੁਤਾਬਕ ਚੁਣੋ.

ਉਦਾਹਰਣ ਦੇ ਤੌਰ ਤੇ;

‘ਮਾਲਕ ਦੇ ਨਾਮ ਮੁਤਾਬਕ’ ਚੁਣੋਂ.

ਹੁਣ ਜੋ ਸਫ਼ਾ ਖੁਲ੍ਹਿਆ ਹੈ ਉਸਨੂੰ ਪੜ੍ਹੋ.

ਜੇ ਕਰ ਤੁਹਾਡਾ ਕੰਪਿਉਟਰ ਯੂਨੀਕੋਡ ਕੀਤਾ ਹੈ ਤਾਂ

ਆਪਣਾ ਨਾਮ ਪੰਜਬੀ ਵਿੱਚ ਲਿਖ ਦੇਵੋ (ਧਿਆਨ ਰਹੇ ਸਾਈਟ ਦੀ ਭਾਸ਼ਾ ਪੰਜਾਬੀ ਹੋਵੇ).

ਜਾਂ ਫਿਰ ਗੁਗੱਲ ਵਿੱਚ ਜਾ ਕੇ ਆਪਣਾ ਨਾਮ ਅੰਗਰੇਜੀ ਟਾਇਪ ਰਾਹੀਂ ਲਿਖ ਕੇ ਪੰਜਾਬੀ ਕਰੋ ਅਤੇ ਕਾਪੀ ਕਰਕੇ ਇਸ ਡੱਬੀ ਵਿੱਚ ਪੇਸਟ ਕਰ ਦੇਵੋ.

ਉਸ ਤੋਂ ਬਆਦ ਜੋ ਸਫ਼ਾ ਖੁਲਿਆ ਹੈ; ਉਸ ਵਿੱਚੋਂ ਆਪਣਾ ਸਹੀ ਨਾਮ, ਪਿਤਾ ਅਤੇ ਦਾਦੇ ਦੇ ਨਾਮ ਸਮੇਤ ਦੇਖ ਕੇ ਡੱਬੀ ਦੇ ਆਖੀਰ ਵਿੱਚ ‘ਚੁਣੋ’ ਤੇ ਕਲਿੱਕ ਕਰੋ.

ਤੁਹਾਡਾ ਖੇਵਟ ਨੰਬਰ ਆ ਜਾਵੇਗਾ ਅਤੇ ‘ਚੁਣੋ’ ਡੱਬੀ ਵਿੱਚ ਸਹੀ ਦਾ ਨਿਸਾਨ ਲਗਾਓ.

ਹੇਠਲੀਆਂ ਦੋ ਡੱਬੀਆਂ ਵਿੱਚੋਂ ਜਰੂਰਤ ਮੁਤਾਬਕ ਇੱਕ ਤੇ ਕਲਿੱਕ ਕਰੋ.

ਇਕ ਫਾਈਲ ਡਾਉਨਲੋਡ ਹੋ ਜਾਵੇਗੀ.

ਇਸ ਫਾਈਲ ਨੂੰ ਰਾਈਟ ਕਲਿੱਕ ਕਰਕੇ open with ਦੀ ਸਹਾਇਤਾ ਨਾਲ internet explorer ਵਿੱਚ ਖੋਹਲੋ ਜੋ ਕਿ ਅਡੌਬ ਰੀਡਰ ਵਿੱਚ ਖੁਲ੍ਹੇਗੀ ਇਸ ਨੂੰ ਅਡੌਬ ਰੀਡਰ ਵਿੱਚ ਕੋਈ ਨਾਮ ਦੇ ਕੇ ਸੇਵ ਕਰ ਲਵੋ ਜਾਂ ਪ੍ਰਿੰਟ ਕੱਢ ਲਵੋ.

ਧੰਨਵਾਦ

ਹਰਚੰਦ ਭਿੰਡਰ

harchandbhindr@yahoo.in

ਵਿਚਾਰ

ਜੇ ਕਰ ਤਿਆਗਣਾ ਚਾਹੁੰਦੇ ਹੋ ਤਾਂ ਗੈਰਪਦਾਰਥਕ ਡੰਗੋਰੀ ਰੱਬ ਨੂੰ ਤਿਆਗੋ,

ਜਿਸ ਨੇ ਸਦੀਆਂ ਤੋਂ ਮਨੁੱਖੀ ਸੋਚ ਨੂੰ ਲੰਗੜੀ ਕਰ ਰੱਖਿਆ ਹੈ.

ਹਰਚੰਦ ਭਿੰਡਰ

ਤਰਕਸ਼ੀਲ

Click to launch the full edition in a new window

ਆਓ ਟੂਣਾ ਚੁੱਕੀਏ

ਆਓ ਟੂਣਾ ਚੁੱਕੀਏ

ਡਰੋ ਨਾ! ਮੈਂ ਤੁਹਾਂਨੂੰ ਕੋਈ ਤਾਂਤ੍ਰਿਕ ਕਿਰਿਆ ਨਹੀਂ ਸਿਖਾਉਣ ਲੱਗਾ. ਮੈਂ ਤਾਂ ਤੁਹਾਨੂੰ ਇਸ ਗੱਲ ਤੋਂ ਚੇਤਨ ਕਰਨ ਜਾ ਰਿਹਾ ਹਾਂ ਕਿ ਅੱਜ ਕੱਲ ਹਰੇਕ ਚੁਰਾਹੇ ਤੇ ਸਵੇਰੇ ਸਵੇਰੇ ਬੁੱਧਵਾਰ ਜਾਂ ਸ਼ੁਕਰਵਾਰ ਹੋ ਸਕਦੈ ਛਨੀਚਰਵਾਰ ਨੂੰ ਤੁਹਾਨੂੰ ਕੁਝ ਲਾਲ ਧਾਗੇ ਖੰਮਣੀ, ਸੰਧੂਰ, ਕੰਘੀ, ਵੰਗਾਂ ਅਤੇ ਕੋਈ ਖਾਣ ਜੋਗ ਵਸਤੂ ਲੱਡੂ ਜਾਂ ਨਾਰੀਅਲ ਆਦਿ ਪਏ ਮਿਲਦੇ ਹਨ. ਕਈ ਜਗ੍ਹਾ ਤੇ ਮੁਰਗਾ ਅਤੇ ਬੋਤਲ ਵੀ ਹੋ ਸਕਦੇ ਹਨ. ਪਰ ਇਹ ਮਹਿੰਗੀਆਂ ਵਸਤਾਂ ਟੂਣੇ ਤੋਂ ਥੋੜ੍ਹੇ ਸਮੇਂ ਤੱਕ ਹੀ ਮਿਲਣਗੀਆਂ, ਕਿਉਂਕਿ ਇਹ ਟੂਣਾ ਕਰਾਉਂਣ ਵਾਲੇ ਆਪ ਜਾਂ ਉਸ ਦੇ ਏਜੰਟ ਇਹਨਾਂ ਵਸਤਾ ਨੂੰ ਆਪ ਹੀ ਸਮੇਟ ਲੈਂਦੇ ਹਨ. ਇਥੇ ਵੀ ਉਹ ਆਪਣੇ ਗਾਹਕ ਨਾਲ ਠੱਗੀ ਮਾਰਦੇ ਹਨ ਅਤੇ ਆਪਣਾ ਰੁਜ਼ਗਾਰ ਚਲਾਉਂਦੇ ਹਨ. ਇਹ ਸਾਰੀਆਂ ਆਮ ਜਿਹੀਆਂ ਚੀਜ਼ਾ ਹੀ ਹੁੰਦੀਆਂ ਹਨ, ਜਿਨ੍ਹਾਂ ਨੂੰ ਚੁਰਹੇ ਜਾਂ ਹੋਰ ਖਾਸ਼ ਥਾਂ ਤੇ ਪਈਆਂ  ਕੇ ਆਮ ਲੋਕ ਘਬਰਾ ਜਾਂਦੇ ਹਨ. ਖਾਸ਼ ਕਰਕੇ ਔਰਤਾਂ ਤਾਂ ਟੂਣੇ ਦੇ ਡਰ ਕਾਰਣ ਆਪਣੀਆਂ ਗੁਆਢਣਾਂ ਨਾਲ ਬਿਨਾਂ ਸੋਚੇ ਸਮਝੇ ਝਗੜਾ ਵੀ ਸ਼ੁਰੂ ਕਰ ਦਿੰਦੀਆਂ ਹਨ.

     ਇਸ ਤਰ੍ਹਾਂ ਦੀ ਇਕ ਉਦਾਹਣ ਮੈਂ ਤੁਹਾਨੂੰ ਦੱਸਣ ਲੱਗਾ ਹਾਂ. ਲੱਗ ਭੱਗ ਦੋ ਦਹਾਕੇ ਪੁਰਾਣੀ ਗੱਲ ਹੈ. ਆਮ ਵਾਂਗ ਇਕ ਸਵੇਰ ਨੂੰ ਮੈਂ ਸਾਇਕਲ ਤੇ ਦੁੱਧ ਲੈਂਣ ਜਾ ਰਿਹਾ ਸੀ. ਗਲੀ ਵਿੱਚ ਔਰਤਾਂ ਝਗੜ ਰਹੀਆਂ ਸਨ. ਉੱਥੇ ਨੇੜੇ ਖੜ੍ਹੀ ਇਕ ਵਡੇਰੀ ਉਮਰ ਦੀ ਔਰਤ ਤੋਂ ਇਸ ਬਾਰੇ ਪੁੱਛਿਆ ਤਾਂ ਉਸ ਨੇ ਦੱਸਿਆ ਕਿ ਕਿਸੇ ਨੇ ਟੂਣਾ ਕਰ ਦਿੱਤਾ ਹੈ.

“ਕਿਥੇ ਐਂ ਟੂਣਾ?” ਮੈਂ ਉਸ ਤੋਂ ਜਾਣਕਾਰੀ ਵਜੋਂ ਪੁਛਿਆ

“ਵੇ ਭਾਈ ਆ ਪਿਆ ਐ ?” ਇੱਕ ਹੋਰ ਔਰਤ ਨੇ ਟੂਣੇ ਵੱਲ ਇਸ਼ਾਰਾ ਕਰਦਿਆਂ ਕਿਹਾ.

“ਲਿਆਉ ਤੁਹਾਡਾ ਮਸਲਾ ਹੱਲ ਕਰ ਦਿੰਨੇ ਆ” ਕਹਿ ਕੇ ਮੈਂ ਟੂਣਾ ਚੱਕ ਲਿਆ

“ਵੇ ਭਾਈ ਆਹ 10 ਪੈਸੇ ਰਹਿ ਗਏ” ਝਗੜਾ ਕਰਨ ਵਾਲੀ ਦੇ ਬੋਲ ਸਨ

“ਲੈ ਭੈਣੇ ਇਹ ਵੀ ਚੱਕ ਲੈਨੇਂ ਆਂ ਹੁਣ ਤੁਸੀਂ ਘਰੋ ਘਰੀ ਜਓ ਅਤੇ ਆਪਣੇ ਕੰਮ ਕਾਰ ਕਰੋ” ਇੰਨਾ ਕਹਿੰਦੇ ਹੋਏ ਮੈਂ ਉਹ ਸਾਰਾ ਸਮਾਨ ਚੁੱਕ ਲਿਆ ਪੈਸਿਆਂ ਤੋਂ ਬਿਨਾਂ ਹੋਰ ਕੋਈ ਕੰਮ ਦੀ ਚੀਜ਼ ਨਾ ਹੋਣ ਕਰਕੇ ਉਸ ਨੂੰ ਕੂੜੇ ਵਾਲੇ ਸਥਾਨ ਤੇ ਜਾ ਕੇ ਸੁੱਟ ਦਿੱਤਾ.

ਜਦ ਮੈਂ ਵਾਪਸ ਉਸ ਰਾਸਤੇ ਮੁੜਿਆ ਤਾਂ ਗਲੀ ਵਿੱਚ ਸੁੱਖ ਸਾਂਤੀ ਸੀ.

ਇਹ ਤਾਂ ਇਕ ਉਦਾਹਣ ਹੈ, ਹੋਰ ਵੀ ਅਜਿਹੀਆਂ ਘਟਨਾਵਾਂ ਵਾਪਰਦੀਆਂ ਰਹਿੰਦੀਆਂ ਹਨ.

ਜੇ ਕਰ ਤੁਹਡਾ ਕਿਸੇ ਦਾ ਅਜਿਹੇ ਟੂਣੇ ਨਾਲ ਵਾਹ ਵਾਸਤਾ ਪਵੇ ਤਾਂ ਇਸ ਤੋਂ ਡਰੋ ਨਾ. ਇਸ ਨੂੰ ਹੋ ਸਕੇ ਤਾਂ ਉਥੋਂ ਹਟਾ ਦਿਉ ਤਾਂ ਕਿ ਇਸ ਨਾਲ ਇਕ ਤਾਂ ਤੁਹਡੇ ਮਨ 'ਚੋਂ ਇਸ ਪ੍ਰਤੀ ਡਰ ਜਾਂਦਾ ਰਹੇਗਾ ਦੂਸਰਾ ਹੋਰ ਲੋਕ ਵੀ ਇਸ ਤੋਂ ਜਾਣੂ ਹੋ ਜਾਣਗੇ ਕਿ ਟੂਣੇ ਨਾਲ ਚੰਗਾ ਮਾੜਾ ਕੁਝ ਨਹੀਂ ਵਾਪਰਨ ਵਾਲਾ. ਹਾਂ ਇਹ ਜਰੂਰ ਧਿਆਨ ਵਿੱਚ ਰੱਖੋ ਕਿ ਇਸ ਵਿਚਲਾ ਸਮਾਨ ਜੇ ਕਰ ਤੁਹਾਡੇ ਵਰਤੋਂ ਵਿੱਚ ਆਉਣ ਵਾਲਾ ਹੈ ਤਾਂ ਸਾਫ਼ ਕਰਕੇ ਵਰਤ ਲਵੋ. ਪਰ ਖਾਣ ਵਾਲੀ ਵਸਤੂ ਨਾ ਖਾਓ ਹੋ ਸਕਦੈ ਉਸ ਨਾਲ ਕੋਈ ਜ਼ਹਿਰੀਲਾ ਪਦਾਰਥ ਲੱਗਿਆ ਹੋਵੇ. ਹਾਂ ਨਾਰੀਅਲ ਜੇ ਕਰ ਸਾਬਤ ਹੈ ਤਾਂ ਭੰਨ ਕੇ ਖਾਧਾ ਜਾ ਸਕਦਾ ਹੈ. ਜੇ ਮੁਰਗਾ ਆਦਿ ਹੈ ਤਾਂ ਉਸ ਨੂੰ ਇਕ ਦੋ ਦਿਨ ਆਪਣੀ ਨਿਗਰਾਨੀ ਵਿੱਚ ਰੱਖ ਕੇ ਫਿਰ ਉਸ ਨੂੰ ਮਾਰ ਕੇ ਖਾ ਸਕਦੇ ਹੋ. ਪਰ ਸ਼ਰਾਬ ਪੀਣ ਬਾਰੇ ਮੈਂ ਨਹੀਂ ਆਖਾਂਗਾ ਕਿਉਂਕਿ ਇਹ ਇਕ ਨਸ਼ਾ ਹੈ ਅਤੇ ਮੈਂ ਨਸ਼ਿਆਂ ਦੇ ਹੱਕ ਵਿੱਚ ਨਹੀਂ.

ਹਰਚੰਦ ਭਿੰਡਰ

ਪਟਿਆਲਾ

E-mail: harchandbhinder@yahoo.in
www.tarksheel.org

ਤਰਕਸ਼ੀਲ ਸੁਸਾਇਟੀ ਪੰਜਾਬ (ਰਜਿ:) ਦਾ ਸੂਬਾ ਇਜਲਾਸ 20 ਅਪ੍ਰੈਲ ਨੂੰ

ਤਰਕਸ਼ੀਲ ਸੁਸਾਇਟੀ ਪੰਜਾਬ (ਰਜਿ:) ਦਾ ਸੂਬਾ ਇਜਲਾਸ 20 ਅਪ੍ਰੈਲ ਨੂੰ ਬਰਨਾਲਾ ਵਿਖੇ

        ਤਰਕਸ਼ੀਲ ਸੁਸਾਇਟੀ ਪੰਜਾਬ (ਰਜਿ:) ਦਾ ਦੋ ਸਾਲਾਂ ਬਾਅਦ ਹੋਣ ਵਾਲਾ ਸੂਬਾ ਇਜਲਾਸ ਮਿਤੀ 20 ਅਤੇ 21 ਅਪ੍ਰੈਲ 2013, ਨੂੰ ਗੋਬਿੰਦ ਬਾਂਸਲ ਚੈਰੀਟੇਬਲ ਟਰਸ਼ਟ (ਨੇੜੇ ਸੇਖਾ ਫਾਟਕ), ਬਰਨਾਲਾ ਵਿੱਖੇ ਹੋਵੇਗਾ. ਇਸ ਵਿੱਚ ਪੰਜਾਬ ਭਰ ਦੇ ਸਾਰੇ 10 ਜੋਨਾਂ ਅਤੇ ਲੱਗਭਗ 90 ਇਕਾਈਆਂ ਵਿੱਚੋਂ ਚੁਣੇ ਹੋਏ ਡੈਲੀਗੇਟਾਂ ਤੋਂ ਇਲਾਵਾ ਬਹੁਤ ਸਾਰੇ ਤਰਕਸ਼ੀਲ ਦਰਸ਼ਕ ਵਜੋਂ  ਭਾਗ ਲੈਣਗੇ.ਇਸ ਸਮੇਂ ਪੂਰੇ ਪੰਜਾਬ ਤੋਂ ਆਏ ਡੈਲੀਗੇਟਾਂ ਵੱਲੋਂ ਸੂਬਾ ਕਮੇਟੀ ਦੀ ਚੋਣ ਵੀ ਕੀਤੀ ਜਾਵੇਗੀ. ਇਸ ਤੋਂ ਇਲਾਵਾ ਇਸ ਇਜਲਾਸ ਵਿਚ ਤਰਕਸ਼ੀਲ ਸੁਸਾਇਟੀ ਦੀਆਂ ਇਕਾਈਆਂ, ਜੋਨਾਂ ਅਤੇ ਸੂਬਾ ਆਗੂਆਂ ਵੱਲੋਂ ਪਿਛਲੇ ਦੋ ਸਾਲਾਂ ਦੇ ਸਮੇਂ ਦੌਰਾਨ ਕੀਤੀਆਂ ਸਰਗਰਮੀਆਂ ਉੱਪਰ ਵਿਚਾਰ ਚਰਚਾ ਕੀਤੀ ਜਾਵੇਗੀ ਅਤੇ ਭਵਿੱਖੀ ਯੋਜਨਾਵਾਂ ਉਲੀਕੀਆਂ ਜਾਣਗੀਆਂ.

        ਇਸ ਦੇ ਸਬੰਧ ਵਿੱਚ 5 ਅਪੈਲ ਤੱਕ ਸਾਰੇ ਜੋਨਾਂ ਅਤੇ ਇਕਈਆਂ ਦੀਆਂ ਚੋਣਾਂ ਮੁਕੰਮਲ ਹੋ ਚੁੱਕੀਆਂ ਹਨ. ਹੁਣ ਪਿਛਲੇ ਦਿਨੀਂ ਹੋਈ ਸਟੇਟ ਐਗਜ਼ੈਕਟਿਵ ਕਮੇਟੀ ਦੀ ਹੋਈ ਮੀਟਿੰਗ ਵਿੱਚ ਸਾਰੇ ਪਬੰਧਾਂ ਦਾ ਜਾਇਜਾ ਲਿਆ ਗਿਆ. ਇਸ ਸਮੇਂ ਸਟੇਟ ਕਮੇਟੀ ਵੱਲੋਂ ਸਟੇਟ ਆਗੂਆਂ ਦੀਆਂ ਬਣਦੀਆਂ ਡਿਉਟੀਆਂ ਵੀ ਲਾਈਆਂ ਗਈਆਂ. ਸਾਰੇ ਜੋਨਾਂ ਵੱਲੋਂ ਮਿਲੀ ਰਿਪੋਰਟ ਮੁਤਾਬਕ ਐਤਕੀਂ ਹੋਣ ਵਾਲੇ ਇਜਲਾਸ ਪ੍ਰਤੀ ਤਰਕਸ਼ੀਲ ਮੈਂਬਰਾਂ ਵਿੱਚ ਕਾਫ਼ੀ ਉਤਸ਼ਾਹ ਵੇਖਣ ਨੂੰ ਮਿਲ ਰਿਹਾ ਹੈ.

         ਇਸ ਇਜਲਾਸ ਦੀ ਸ਼ੁਰੂਅਤ ਉਦਘਾਟਨੀ ਸੈਸਨ ਨਾਲ 20 ਅਪ੍ਰੈਲ ਨੂੰ ਦੋ ਵਜੇ ਦੁਪਹਿਰ ਹੋਵੇਗੀ. ਇਸ ਤੋਂ ਪਹਿਲਾਂ ਸਵੇਰੇ 11 ਵਜੇ ਡੈਲੀਗੇਟਾਂ ਦੀ ਰਜ਼ਿਸਟਰੇਸ਼ਨ ਸ਼ੁਰੂ ਕੀਤੀ ਜਾਵੇਗੀ. ਇਸ ਮੌਕੇ ਸੂਬਾ ਆਗੂ ਨੇ ਸਾਰੇ ਪੰਜਾਬ ਦੇ ਤਰਕਸ਼ੀਲ ਕਾਰਕੁੰਨਾ ਨੂੰ ਸਮਾਜ ਅੰਦਰ ਫੈਲੇ ਅੰਧਵਿਸ਼ਵਾਸਾਂ ਨੂੰ ਜੜ੍ਹੋਂ ਖਤਮ ਦੇ ਮਕਸਦ ਨੂੰ ਪੂਰਾ ਕਰਨ ਹਿੱਤ ਸਮੇਂ ਸਿਰ ਪਹੁੰਚਣ ਦੀ ਅਪੀਲ ਵੀ ਕੀਤੀ.